महाराष्ट्र सांस्कृतिक कार्यमंत्र्यांचे हस्ते ‘लाडू’ चित्रपटाच्या पोस्टरचे अनावरण

शैलेन्द्र सिंग — राष्ट्रीय पुरस्कार विजेते चित्रपट निर्माते

‘लाडू’ हा शैलेन्द्र सिंग यांचा मराठी दिग्दर्शक म्हणून पहिला चित्रपट असून, भारतीय चित्रपटसृष्टीतील त्यांच्या २५ वर्षांच्या कारकिर्दीचा एक महत्त्वाचा टप्पा आहे. या कालावधीत त्यांनी ७२ फीचर फिल्म्सची निर्मिती केली असून, १२ राष्ट्रीय पुरस्कार मिळवले आहेत. तसेच २००९ मध्ये त्यांना फिल्मफेअरने ‘बॉलिवूडमधील १२ सर्वात प्रभावशाली व्यक्ती’ म्हणून स्थान दिले होते.

सतत टॉप ५ स्टुडिओंमध्ये गणल्या जाणाऱ्या परसेप्ट पिक्चर्स चे नेतृत्व करताना सिंग यांनी आपल्या पिढीतील काही सांस्कृतिकदृष्ट्या महत्त्वपूर्ण चित्रपटांची निर्मिती केली. यामध्ये पेज 3, कांचीवरम (राष्ट्रीय पुरस्कार विजेता), भारतातील पहिला अॅनिमेशन फीचर चित्रपट हनुमान, पहिला सामाजिक विषयावरील चित्रपट फिर मिलेंगे, तसेच पहिल्या मल्टिप्लेक्स व्यावसायिक चित्रपटांपैकी कॉर्पोरेट आणि दोर यांचा समावेश आहे.

त्यांनी खुदा के लिये आणि रामचंद पाकिस्तानी यांसारखे पाकिस्तानी चित्रपट भारतात प्रदर्शित करणारे पहिले निर्माते म्हणूनही ओळख मिळवली.

सिंग यांनी भारतातील पहिली टॅलेंट मॅनेजमेंट कंपनी सुरू केली, आपल्या विविध चित्रपटांमधून ३०० हून अधिक नवोदित कलाकारांना संधी दिली आणि दोन लिम्का वर्ल्ड रेकॉर्ड्सही आपल्या नावावर नोंदवले.

त्यांच्या अनप्लग सिनेमा बाय शैलेंद्र सिंग या बॅनरअंतर्गत नुकत्याच प्रदर्शित झालेल्या प्रकल्पांमध्ये हॉलिवूड स्टार मायकेल डग्लस, कॅथरीन झेटा-जोन्स आणि बॅले क्षेत्रातील दिग्गज सर्गेई पोलुनिन यांचा सहभाग होता.

शैलेन्द्र म्हणाले,

“मी ७२ चित्रपटांची निर्मिती केली आहे. हा मी दिग्दर्शित केलेला पहिला मराठी चित्रपट आहे आणि तो इतर सर्व चित्रपटांपेक्षा वेगळ्या प्रकारे माझ्या मनात कायम राहील. प्रदीप गोगटे हे विलक्षण कलाकार आहेत — त्यांच्या शांततेतही संपूर्ण आयुष्य दडलेले आहे. मंत्री शेलार यांची आजची उपस्थिती आणि त्यांचा सातत्यपूर्ण पाठिंबा आमच्यासाठी खूप महत्त्वाचा आहे.”

सोनिया नासरी कोल — सहनिर्माती

‘लाडू’ची सहनिर्माती सोनिया नासरी कोल या अफगाण-अमेरिकन चित्रपट निर्माती, मानवाधिकार कार्यकर्त्या आणि समाजसेविका आहेत. त्यांच्या कामाची दोन वेळा ऑस्कर पुरस्कारांसाठी विचारणा करण्यात आली आहे.

त्यांचा ब्लॅक ट्युलिप हा युद्धग्रस्त अफगाणिस्तानमध्ये चित्रित केलेला चित्रपट ८३ व्या अकादमी पुरस्कारांसाठी अफगाणिस्तानची अधिकृत निवड ठरला होता.

या चित्रपटाने बोस्टन फिल्म फेस्टिवल, बेव्हरली हिल्स फिल्म फेस्टिवल आणि सलेंटो फिल्म फेस्टिवल येथे सर्वोत्कृष्ट चित्रपटाचा पुरस्कार जिंकला तसेच गोल्डन पाल्म अवॉर्ड देखील प्राप्त केला.

त्यांचा अलीकडील चित्रपट आय अॅम यू हा ७७ व्या गोल्डन ग्लोब अवॉर्डसाठी अफगाणिस्तानची अधिकृत निवड ठरला.

वयाच्या पंधराव्या वर्षी निर्वासित म्हणून अफगाणिस्तान सोडलेल्या कोल यांनी पुढे अफगाणिस्तान वर्ल्ड फौंडेशनची स्थापना केली.

त्यांना पेन सेंटर यूएसए कडून फ्रीडम टू राईट अवॉर्ड, तसेच यूएन पीस मेडल आणि यूएस कॉंग्रेशनल रेकॉगनिशनल अवॉर्ड प्रदान करण्यात आला आहेत.

त्यांच्या चित्रपटांनी विस्थापन, संघर्ष आणि प्रतिकूल परिस्थितीतही टिकून राहणाऱ्या मानवी जिद्दीच्या कथा सातत्याने आंतरराष्ट्रीय प्रेक्षकांपर्यंत पोहोचवल्या आहेत.

कथा-सारांश

मुंबई, भारत. २०२५. आशियातील अब्जाधीशांची राजधानी. सर्व काही गमावलेल्याव काहीच हरण्यासारखे नसलेल्या एका माणसाच्या आयुष्यातील ४५ दिवस.

मुंबईच्या झगमगत्या इमारतींवर पहाट उजडण्यापूर्वीच चंदू अंधारात त्याच्या दिवसाची सुरुवात करतो ते रेल्वे स्थानकाजवळील सार्वजनिक शौचालये स्वच्छ करण्यासाठी, जेव्हा त्याच शहरातील श्रीमंत लोक टोलेजंग इमारतीत गाढ झोपलेले असतात.

झोपडपट्टीत राहणारा आणि शौचालय साफ करणारा चंदू आपल्या दैनंदिन जीवनात कुणाच्याही नजरेस न पडता वावरत असतो.

शेजाऱ्याला न चुकता रोज केलेला एक शांत हातवारा, उंदरांविरुद्ध कुजबुजत आखल्या जाणाऱ्या युक्त्या हे सारे तो निरीक्षण करत असतो.

त्याची पूजा नावाची एक सहकारी असते ती एकमेव अशी व्यक्ती आहे जिला तो कामावर आला नाही तर त्याची दखल घ्यावीशी वाटते.

जग चंदूकडे दुर्लक्ष करून पुढे जात असताना, तो इतरांना फक्त रोज जगताना पाहतो, पण त्यांच्यातला जिवंतपणा त्याला कधी दिसत नाही.

अखेरीस त्याच्या जीवनात असा काही टप्पा समोर येऊन उभा राहतो ज्यापासून तो दूर पळू शकत नसतो.

मुंबई, ठाणे आणि कर्जत येथे ब्लॅक अँड व्हाइट स्वरूपात चित्रित करण्यात आलेला ‘लाडू’ हा १०४ मिनिटांचा मराठी चित्रपट आहे. तो सत्य घटनांवर आधारित असून शांत, कठोर आणि अनपेक्षित संवेदनशीलतेने भरलेला आहे.

सध्या ‘लाडू’ हा चित्रपट राष्ट्रीय आणि आंतरराष्ट्रीय चित्रपट महोत्सवांसाठी पाठविण्याची प्रक्रिया सुरू आहे.

९ नवीन मराठी गीते

‘लाडू’मध्ये संगीतकार मंदार पाटील यांनी संगीतबद्ध केलेली नऊ मूळ मराठी गीते आहेत. या गीतांचे बोल यज्ञेश दोंड यांनी लिहिले आहेत.

ही गीते केवळ सजावटीसाठी नसून चित्रपटाच्या भावनिक प्रवासाचा अविभाज्य भाग आहेत. या गीतांच्या औपचारिक प्रकाशनाचा कार्यक्रम लवकरच आयोजित करण्यात येणार आहे.

कलाकार

प्रदीप गोगटे (चंदू) यांनी चित्रपटात प्रमुख भूमिका साकारली असून, त्यांचा अत्यंत भावस्पर्शी अभिनय जगभरातील प्रेक्षकांशी नक्कीच नाते जोडेल.

सहायक भूमिकांमध्ये:

• लिनिता भालेराव (पूजा)

• सचिन नवरे (संतोष काका)

• अवधूत चिंतन (सुपरवायझर)

• वंदना गानू (डॉक्टर)

• सुधीर वेदपाठक (माधव आजोबा)

• प्रवीण भिरंगी (चंदूचे वडील)

• विनायक कराळे (लहान चंदू)

‘लाडू’ या चित्रपटाद्वारे १५० हून अधिक कलाकारांनी प्रथमच रुपेरी पडद्यावर पदार्पण केले आहे. यापैकी सुमारे ६० कलाकार मराठी नाट्य-सृष्टीशी संबंधित आहेत.

तांत्रिक चमू

• निर्मिती : बॉस एन्टरटेनमेंट आणि ब्रेडविनर प्रोडक्शन्स फिल्म

• लेखन व दिग्दर्शन : शैलेन्द्र सिंग

• पटकथा व गीतलेखन : यज्ञेश दोंड

• छायांकन : अर्शद इम्रान

• संकलक : साहिल सेठ

• संगीत : मंदार पाटील

• ध्वनी : जिक्कू जोशी

• कला दिग्दर्शन : मनोज चाळके

• वेशभूषा : प्रार्थना आपटे

• रंगभूषा : सचिन जाधव

• सहनिर्माते : निकोल सॉटुंग आणि नीलम लोहार

• भाषा : मराठी

• कालावधी : १०४ मिनिटे ३८ सेकंद

• फॉरमॅट : 4 k, Colour & B&W

• ध्वनी : Stereo / 5.1 Channel

• Aspect Ratio : 16:9

ट्रेलर आणि लिंक

Trailer :
https://www.youtube.com/watch?v=KXKjGppXeRY

Shailendra Singh :
www.shailendrasingh.me

Sonia Nassery Cole :
www.sonianasserycole.com

Instagram: https://www.instagram.com/reel/DUQCk6qDELQ/?igsh=ZGh6bnk3czZrZ3c1